![Elektrik şəbəkəsinə onlayn qoşulma xidmətinin tətbiqi ilə bağlı bu gün “Azərişıq” ASC-də təqdimat olub.](/uploads/2021/06/11/news/655/large/655-051898.jpg)
Elektrik şəbəkəsinə onlayn qoşulma xidmətinin tətbiqi ilə bağlı bu gün “Azərişıq” ASC-də təqdimat olub.
“Azərişıq” ASC sədrinin müşaviri Fərrux Heybətov və “Azərişıq” ASC-nin İKT departamentinin rəhbəri Qalib Həmidov yeniliklərlə bağlı məlumat verib.
Yeniliyə əsasən sahibkar olduğu məkanı tərk etmədən, elektron formada obyektini enerji təchizat şəbəkəsinə qoşa bilər. Abonentin onlayn müraciəti 20 gündən gec olmayaraq reallaşır və obyekti elektrik enerjisi ilə təmin edilir.
Bu sistem digər dövlət qurumları ilə inteqrasiyada olduğundan müraciət edən sahibkar özünə aid məlumatları ümumi bazadan götürə bilər. Reyestr və qeydiyyat nömrələri sistemə daxil edilən kimi dərhal obyektin kordinatları və obyektə ən yaxın Transformator Məntəqəsi avtomatik müəyyənləşir. Bununla da, sahibkar 150 kvt-a qədər tələb olunan gücü müəyyənləşdirərək qoşulma haqqını hesablayır və onlayn qaydada ödəniş edir. Elektron müraciət avtomatik icra olunur və 20 gündən gec olmayaraq sahibkarın obyekti elektrik enerjisi ilə təmin edilir.
Həmçinin Covid-19 pandemiyasının geniş yayıldığı dövrdə “Azərişıq” ASC abonentlərin saglamlığını da düşünərək sahibkarların evdən və ya ofisdən çıxmadan növbəsiz və heç bir təmas olmadan qeyri-yaşayış sahəsinin onlayn qaydada www.azerishiq.az və ya www.e-gov.az saytı üzərindən enerji təchizatı şəbəkəsinə qoşulması üçün müraciətlərini təmin edə bilər.
Bunun üçün video-təlimat da hazırlanıb.
Məqsəd bu sahədə vətəndaşlarmızın maarifləndirilməsi və qoşulmanın daha rahat, əlçatan olmasını təmin etməkdir.
Digər xəbərlər
- Müasir standartlara cavab verən sayğacların quraşdırılması 19 İyun 2024
- Prezident İlham Əliyev “Azərişıq” ASC-nin “Hacıalılı” elektrik yarımstansiyasının və Regional Təlim Mərkəzinin açılışında iştirak edib. 09 Aprel 2024
- “Azərişıq” ASC paytaxtda və ətraf kənd, qəsəbələrdə yenidənqurma işlərini davam etdirir 12 İyun 2024
- ASAN Xidmət mərkəzlərində “Azərişıq” ASC-nin müştəri məmnuniyyətinin artırılması istiqamətində tədbirlər həyata keçirir. 03 İyun 2024
- “Azərişıq” ASC-nin sədri Vüqar Əhmədov Oğuzda vətəndaşları qəbul edib. 05 İyul 2024