![“Azərişıq” ASC kəskin hava şəraiti ilə bağlı gücləndirilmiş iş rejimində işləyir](/app/img/custom_news.png)
Son günlər hava şəraitinin kəskin pisləşməsi nəticəsində digər dağlıq bölgələrdə olduğu kimi Lerik rayonunda da qar yağıb. Hər dəfə olduğu kimi bu dəfə də “Azərişıq” ASC kəskin hava şəraiti ilə bağlı gücləndirilmiş iş rejimində işləyir. Lerikdə çəkilmiş kadrlardan da göründüyü kimi, ölkənin elektrik təchizatı əməkdaşları çovğuna, qara, güclü küləyə və ya leysan yağışlarına baxmayaraq abonentləri elektrik enerjisi ilə fasiləsiz təmin etmək, hava şəraitinə görə yaranan qəzaları operativ aradan qaldırmaq üçün fədakarcasına xidmət edir.
Kadrlardan göründüyü kimi yağan qar hava xətlərinin üzərində toplanıb, nəticədə bəzi yerlərdə elektrik xətləri qırılıb. Şəbəkədə son illərdə “Azərişıq” ASC tərəfindən genişmiqyaslı yenidənqurma işləri görülsə də belə qəzaları tam istisna etmək də mümkün deyil, güclü qar, külək belə qəzaları qaçılmaz edir.
Lakin “Azərişıq” ASC-nin əməkdaşları hava şəraitinin yaxşılaşmasını gözləmədən baş vermiş qəzaları operativ aradan qaldırırlar. Çünki regional elektrik təchizatı və satışı şəbəkəsində gücləndirilmiş iş rejimi ilə bağlı əməkdaşlar səfərbər olunub. Əməkdaşlar isə gecə-gündüz, hava şəraitinə baxmayaraq belə qəzaları mümkün qədər tez aradan qaldırmağa hazırdır.
Digər xəbərlər
- Elektrik təchizatı şəbəkəsinə qoşulma prosedurunda elektron xidmətlərin yeri. 26 Yanvar 2024
- “Azərişıq” ASC Lənkəranda yenidənqurma işlərini davam etdirir. 29 Mart 2024
- Debitor borcların yığılması istiqamətində maarifləndirici tədbirlər 10 İyun 2024
- “Azərişıq” ASC-nin sədri Vüqar Əhmədov Ağcabədidə vətəndaşları qəbul edib. 28 İyun 2024
- “Azərişıq” ASC-nin gənc mütəxəssisləri beynəlxalq yarışda mükafat qazanıb. 02 İyul 2024