![“Azərişıq” ASC Yevlaxın 4 kəndində yenidənqurma işləri aparır.](/uploads/2023/07/18/news/1169/large/1169-0610249.jpg)
Prezident İlham Əliyevin tapşırıqları əsasında “Azərişıq” ASC bölgələrdə yenidənqurma işlərini davam etdirir. Yevlax rayonunun Nemətabad, Duzdağ, Bünyadabad və Nərimanabad kəndləri də elektrik şəbəkəsi yenilənən ərazilər sırasındadır.
Adı çəkilən kəndlərə elektrik enerjisi Yevlax Elektrik Şəbəkəsinin balansında olan 110/35/10 kv-luq Yevlax yarımstansiyasından çıxan hava xətti vasitəsi ilə verilir. 1960-cı illərdə çəkilmiş bu xətlərin 4 km-ə yaxın hissəsi meşə zolağından keçirdi. Kəskin hava şəraitində qəzaların qaçılmaz olması ilə yanaşı meşə ərazisindən keçdiyi üçün təmiri də vaxt aparırdı.
Hazırda kəndlərə gedən 10 kv-luq hava xəttinin meşə zolağından keçən hissəsini kənarlaşdırmaq üçün mal-material ayrılıb. Yeni dayaqlar basdırılıb, xətlərin çəkilişi davam edir.
Nərimanabad kəndində də yeni dayaqlar basdırılır. Köhnə 0.4 kv-luq xətlər yeni izolyasiyalı kabellərlə əvəzlənir. Həmçinin müasir tipli transformator quraşdırılır və abonenlərin sayğacları yenilənir.
Yenidənqurma işləri yekunlaşdıqdan sonra Nemətabad, Duzdağ, Bünyadabad və Nərimanabad kəndlərində yaşayan abonentlər dayanıqlı və fasiləsiz elektrik enerjsi ilə təmin olunacaq.
Qeyd edək ki, “Azərişıq” ASC bütün regionlarda yenidənqurma işlərini davam etdirir. Layihə 100-dən artıq kəndi əhatə edir.
Digər xəbərlər
- ASAN Xidmət mərkəzlərində “Azərişıq” ASC-nin müştəri məmnuniyyətinin artırılması istiqamətində tədbirlər həyata keçirir. 03 İyun 2024
- Cəmiyyətin prioritet istiqamətləri 01 Fevral 2024
- “Azərişıq” ASC Ağdamda yenidənqurma işlərini davam etdirir. 20 İyun 2024
- Elektrik enerjisinin təchizatı ilə bağlı müraciətlərin qəbulu, onlara baxılması və bu sahədə istehlakçıların hüquqlarının qorunmasına dair daxili qaydalar hazırlanaraq “Azərişıq” ASC-nin rəsmi səhifəsində yerləşdirilmişdir. 20 Fevral 2024
- “Azərişıq” ASC Şəki və Balakəndə yenidənqurma işlərini davam etdirir. 21 May 2024