![“Azərişıq”ASC Xırdalanda Elektrik Enerji Şəbəkəsini yeniləyir](/app/img/custom_news.png)
Xırdalan şəhərinin elektrik təchizatının yaxşılaşdırılması üçün iki ədəd 35 kV-luq yarımstansiya inşa edilib və mövcud 35 kV-luq Elektrik Şəbəkəsi ilə əlaqələndirilib.
Ölkə üzrə Elektrik Enerji Şəbəkəsini yaxşılaşdırmaq üçün işləri davam etdirir, Xırdalan şəhərinin və ətraf qəsəbələrinin dinamik sosial-iqtisadi inkişafına uyğun olaraq kommunal xidmətlərin səviyyəsinin yüksəldilməsi, ərazidə yeni inşa edilən çoxsaylı sosial infrastruktuların, o cümlədən əhalinin fasiləsiz və dayanıqlı enerji təchizatının təmin olunması məqsədi ilə yeni güc mənbələrinin inşa edilməsi, istismar müddəti keçmiş trasnformator məntəqələrinin, komplekt transformator məntəqələrinin, elektrik verilişi xəttlərinin və digər elektrik qurğularının yenisi ilə əvəz olunması istiqamətində “Azərişıq” ASC tərəfindən irihəcmli işlər həyata keçirilir.
"Azərenerji" ASC tərəfindən yeni inşa edilən 110 kV-luq “Xırdalan” yarımstansiyasının ərazisində 35/10 kV-luq yarımstansiyası inşa edilərək şəbəkəyə qoşulub. 220/110/10 kV-luq “Xırdalan” yarımstansiyasından elektrik enerjisi ilə təmin olunan 10 kV-luq kabel xətlərinin yeni 35 kV-luq yarımstansiyasına köçürülməsi işləri davam etdirilməkdədir.
Masazır, 28 May, Pirəküşkül, Qobu, Hökməli qəsəbələrində, Atyalı, Quşçuluq və digər ərazilərin elektrik təchizatında olan problemlərin aradan qaldırılması üçün “Azərişıq” ASC tərəfindən bir sıra texniki tədbirlər həyata keçirilməkdədir”.
Qeyd olunan yaşayış məntəqələrində 35;10;6 və 0.4 kV-luq elektrik veriliş xətlərində, yarımstansiya və transformator məntəqələrində yenidənqurma və təmir işləri aparılır, elektrik enerjisinə artan tələbatın qarşılanması üçün müxtəlif gücdə komplekt transformator məntəqələri quraşdırılır.
Digər xəbərlər
- “Azərişıq” ASC cənub rayonlarında yenidənqurma işlərini davam etdirir. 29 May 2024
- Enerji təchizatı şəbəkələrinə qoşulma ilə bağlı yeni qaydalar 11 İyun 2024
- "Azərişıq" ASC paytaxtda və regionlarda enerji doldurma məntəqələri quraşdırır 23 İyul 2024
- Elektrik enerjisi itkilərin azaldılması məqsədi ilə Cəmiyyətdə görülən işlər 12 İyun 2024
- “Azərişiq” ASC Kəlbəcər və Laçında yenidənqurma işlərini davam etdirir. 01 İyun 2024