![“Azərişıq” respublikanın kəndlərində enerji təchizatının yüksək səviyyədə təmini üzrə işləri yekunlaşdırır](/app/img/custom_news.png)
Hazırda “Azərişıq” ASC-nin respublikanın 32 kəndində fasiləsiz enerji təchizatının təmin olunması istiqamətində gördüyü işlər yekunlaşır.
Bu barədə ASC-nin mətbuat xidmətinin rəhbəri Tanrıverdi Mustafayev deyib.
O qeyd edib ki, hazırda Astaranın 3 kəndində - Dolu, Diqo və Sekaşan kəndlərində ölkə başçısının müvafiq Sərəncamı ilə ayrılan maliyyə dəstəyi hesabına enerji təchizatının tam təmin olunması istiqamətində işlər yekunlaşmaq üzrədir. Həmçinin Xaçmaz rayonunun “Arzu massivi” 39-cu məhəlləsində, Qubada 32-33-cü məhəllələrdə, Qusarın Aşağı Ləyərqışlaq kəndində, Şabran şəhərində, Sabirabadın Sərxanbəyli və Moranlı kəndlərində, Ağsunun Ərəbsərvan kəndində, Yevlaxın Nemətabad kəndində, Göyçayın Ulaşlı kəndində, Ucarın Bərgüşad kəndində, Kürdəmirin Pirili kəndində, Goranboyun Tapqaraqoyunlu kəndində, Beyləqanın Allahyarlı, Ağcabədi Şənlik, Ağdam Əhmədağalı kəndlərində, Şamaxı şəhərində, Qaxın Güllük kəndində, Qəbələ şəhərində, Balakənin Püştətala kəndində, Gədəbəyin Parakənd, Şəmkirin Düyərli, Samuxun İstixana kəndində, Göygölün Qızılca kəndində “Azərişıq” tərəfindən enerji təchizatının yüksək səviyyədə təmini üçün işlər görülür.
Paytaxtın enerji təminatının yüksək səviyyədə təşkil olunduğunu vurğulayan T.Mustafayev bildirib ki, hazırda Bakı üzrə Binəqədi rayonu, Biləcəri qəsəbəsi, Sulutəpə və Kənd Binəqədi, Xəzər rayonunda isə Binə südçülük qəsəbəsində təmir-bərpa işləri həyata keçirilir.
Digər xəbərlər
- “Azərişıq” ASC-nin sədri Vüqar Əhmədov Ağcabədidə vətəndaşları qəbul edib. 28 İyun 2024
- “Azərişıq” ASC Ağdamda yenidənqurma işlərini davam etdirir. 20 İyun 2024
- “Azərişiq” ASC Qarabağ və Şərqi Zəngəzurda yenidənqurma işlərini davam etdirir. 15 Aprel 2024
- Müasir standartlara cavab verən sayğacların quraşdırılması 19 İyun 2024
- “Azərişıq” ASC bayramla əlaqədar gücləndirilmiş iş rejimində fəaliyyət göstərəcək. 19 Mart 2024