"Azərişıq" ASC-nin yaranmasının 10-cu ildönümü ilə əlaqədar qurumun əməkdaşları Fəxri xiyabanı və Şəhidlər xiyabanını ziyarət edib. Səhmdar Cəmiyyətin rəhbərliyi və əməkdaşları Fəxri xiyabana gələrək xalqımızın ümummilli lideri Heydər Əliyevin xatirəsini ehtiramla yad edib, məzarı önünə əklil qoyublar.
Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.
Sonra Şəhidlər xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının xatirəsi anılıb, onların məzarları üzərinə gül, "Əbədi məşəl" abidəsinin önünə əklil qoyulub.
Qeyd edək ki, "Azərişıq" ASC Cənab Prezident İlham Əliyevin 2015-ci il 10 fevral tarixli Sərəncamına əsasən yaradılıb.
Digər xəbərlər
- “Azərişıq” ASC Qubada sahibkarlarla görüş keçirib 18 Yanvar 2025
- “Azərişıq” ASC-nin nümayəndələri Xızıda fermer və sahibkarlarla görüşüb 13 İyun 2025
- Binə qəsəbəsində yenidənqurma işləri ilə əlaqədar elektrik enerjisinin verilişində fasilə yaranacaq 05 Mart 2025
- “Azərişıq” ASC-nin sədri Vüqar Əhmədov Neftçalada vətəndaşları qəbul edəcək 11 Aprel 2025
- “Azərişıq” ASC “Ekspo 2025” dünya sərgisində iştirak edir 06 İyun 2025