![“Azərişıq” ASC paytaxt və bölgələrdə elektrik enerjisinin talanması hallarını aşkarlayıb](/uploads/2024/08/30/news/1291/large/1291-0753730.jpg)
“Azərişıq” ASC elektrik enerjisi itkilərinin minimuma endirilməsi məqsədilə paytaxtda və bölgələrdə nəzarət tədbirləri həyata keçirir, abonentlərlə mütəmadi maarifləndirici söhbətlər aparır. Bütün bunlara baxmayaraq sayğaclara aylıq baxış keçirilən zaman həm əhali, həm də qeyri-əhali abonent qrupları arasında elektrik enerjisindən qanunsuz istifadə halları aşkarlanıb.
Monitorinqlər zamanı paytaxt ərazisində Maştağa və Xətaidə, habelə Abşeron, Şamaxı, Qəbələ, Tovuz və Biləsuvarda fərdi yaşayış evlərinə sayğac sxemindən kənar xəttin daxil olması aşkarlanıb. Sabunçuda və Xəzər rayonunda fərdi yaşayış evlərindən birində daxilinə uzaqdan idarə olunan xüsusi qurğu yerləşdirilməklə, Sumqayıtda fərdi yaşayış evində isə maqnit vasitəsilə sayğac dövrədən kənarlaşdırılıb.
Fərdi yaşayış evləri ilə yanaşı obyektlərdə də elektrik enerjisindən qanunsuz istifadə halları aşkar edilib. Xəzər rayonu, Bilgəh qəsəbəsində bir, Sumqayıtda yanaşı yerləşən iki ticarət müəssisəsinə baxış zamanı sayğac sxemindən kənar xəttin daxil olduğu məlum olub.
Bir daha xatırladaq ki, qanunsuz müdaxilə halları aşkar olunduqda abonentlərin elektrik enerjisi təchizatı dərhal dayandırılaraq barələrində qanunvericiliyin tələblərinə uyğun tədbirlər görülür. Ümumilikdə, bu ilin 7 ayı ərzində 20-dək fakt üzrə rayon prokurorluqlarına müraciət olunub. Eyni zamanda uçotdan kənar qoşulmalar elektrik xətlərinin həddən artıq yüklənməsinə, nəticədə həmin xətlər boyunca elektrik enerjisinin keyfiyyətinin azalmasına və gərginliyin aşağı düşməsinə səbəb olur. Elektrik xətlərinə müdaxilə həm də yüksək həyati risk daşıyır.
Abonentlərin keyfiyyətli və dayanıqlı elektrik enerjisi ilə təmin edilməsi, elektrik enerjisi itkilərinin minimuma endirilməsi məqsədilə “Azərişıq” ASC ölkənin bütün regionlarında nəzarət tədbirlərini davam etdirir.
Digər xəbərlər
- “Azərişıq” ASC Samuxda yenidənqurma işlərini davam etdirir. 18 Mart 2024
- “Azərişıq” ASC cənub rayonlarında baş vermiş qəzaları aradan qaldırmaq üçün fasiləsiz çalışır. 15 Yanvar 2024
- “Azərişıq” ASC-nin elektrik təchizatı şəbəkəsinə qoşulma xidmətinin elektronlaşdırılması istiqamətində gördüyü işlər davam etdirilir. 31 Yanvar 2024
- Məişət abonentlərinin hesablaşma elektrik sayğacları harada və necə quraşdırılmalıdır 11 İyun 2024
- “Azərişıq” ASC cənub rayonlarında yenidənqurma işlərini davam etdirir. 29 May 2024