
Elektrik enerjisinin istehlakı zamanı yaranan itkilərə şəbəkədə ölçmə və uçot sistemlərində baş verən kənar müdaxilələr nəzərdə tutulur. İtkilərinin aradan qaldırılması üçün ilk növbədə onları yaradan səbəblər müəyyən edilir. Belə ki, bəzi hallarda istehlakçılar sayğaclara qeyri-qanuni müdaxilələr edərək enerji sərfiyyatını az göstərməyə çalışırlar. Buna misal olaraq elektrik xəttinə elektrik enerjisi sayğacından kənar birbaşa qoşularaq istifadə, sayğaclara elektron və ya maqnetik müdaxilə kimi halları göstərmək olar.
İtkiləri daim diqqət mərkəzində saxlamaqla yanaşı, qarşısının alınması üçün Səhmdar Cəmiyyət tərəfindən müntəzəm olaraq aşağıdakı tədbirlər görülür:
•Smart sayğacların quraşdırılması – müasir texnologiyadan istifadə etməklə enerji sərfiyyatının dəqiq və uzaqdan izlənilməsi.
•Müntəzəm yoxlamalar və auditlər – qanunsuz qoşulmaları aşkar etmək üçün mütəmadi monitorinq aparılması.
•Hüquqi müstəvidə tədbirlərin gücləndirilməsi – elektrik enerjisinin qanunsuz istifadəsi ilə bağlı normativ hüquqi sənədlərin təkmilləşdirilməsi üzrə işlərin aparılması və ciddi nəzarət mexanizmlərinin yaradılması.
•İctimai maarifləndirmə və təbliğat – istehlakçılarla elektrik enerjisindən düzgün istifadəsinə dair maarifləndirmə işlərinin aparılması və qanunsuz istifadənin zərərləri barədə məlumatlandırma tədbirlərinin həyata keçirilməsi.
İtkilərinin azaldılması enerji sektorunda maliyyə dayanıqlığını, rentabelliyi artırır və enerjinin daha səmərəli paylanmasına təminat yaradır.
Digər xəbərlər
- “Azərişıq” ASC-nin sədri Vüqar Əhmədov Qəbələdə vətəndaşları qəbul edib 24 Yanvar 2025
- Azərbaycan Respublikasının Prezidenti İlham Əliyev fevralın 18-də “Azərişıq” Açıq Səhmdar Cəmiyyətinin (ASC) Ağdam Regional Rəqəmsal İdarəetmə Mərkəzi və Təlim-Tədris Kompleksinin açılışında iştirak edib. 18 Fevral 2025
- Elektron xidmətlərin tətbiqi elektrik təchizatı şəbəkəsinə qoşulma sahəsində mühüm addımdır 22 Yanvar 2025
- Lənkəranda təmir işləri ilə əlaqədar elektrik enerjisinin verilişində fasilə yaranacaq 30 Yanvar 2025
- Xətai rayonunda təmir-bərpa işləri ilə əlaqədar elektrik enerjisinin verilişində fasilə yaranacaq 05 May 2025