İstehlakçıların dayanıqlı və keyfiyyətli elektrik enerjisi ilə təchiz olunması, müasir texnologiyaların paylayıcı şəbəkədə tətbiqi “Azərişıq” ASC-nin qarşıya qoyulmuş əsas hədəflərindəndir. Abonentlər tərəfindən istehlak edilən elektrik enerjisi dəyərinin vaxtında və tam yığımı, enerji itkilərinin azaldılması, debitor borcların yığılması və enerji səmərəliliyinin artırılması Səhmdar Cəmiyyətin fəaliyyətində xüsusi əhəmiyyət kəsb edir.
Debitor borcların azaldılması istiqamətində müasir texnologiyalar olaraq sms-smart sayğacların quraşdırılmasını göstərmək olar. Belə sayğacların tətbiqi zamanı qanunsuz qoşulmaların və kənar müdaxilələrin aşkarlanması xeyli asanlaşır. Ən başlıcası isə istehlakçı karta yüklədiyi vəsait miqdarında elektrik enerjisi alır və əgər onun borcu mövcuddursa, vəsaitin bir hissəsinin həmin borcun ödənilməsinə imkan yaradılır. Bu tip sayğacların quraşdırılması işi Səhmdar Cəmiyyət tərəfindən ardıcıl aparılır və eyni zamanda enerji itkilərinin azaldılmasına müsbət təsir göstərir.
Debitor borcların yığılması, rəqəmsal şəbəkələrdə elektrik təchizatının səmərəliliyinin, etibarlılığının və keyfiyyətinin yaxşılaşdırılması məqsədilə paylayıcı şəbəkənin monitorinqi və idarə olunması vacibdir. Rəqəmsal şəbəkə texnologiyaları və vasitələri paylayıcı şəbəkələrin optimallaşdırılması işlərini növbəti, yüksək mərhələyə keçirmək üçün yeni imkanlar yaradır.
Növbəti illər ərzində istismar müddətini bitirmiş sayğacların yeni, müasir sayğaclarla əvəz olunması, quraşdırılan sayğaclar arasında smart sayğacların faiz nisbətinin artırılması, debitor borcların yığılması istiqamətində Cəmiyyət üçün daha böyük hədəflər əldə edilməsinə şərait yaradacaqdır.
Smart sayğacların üstünlükləri barədə Səhmdar Cəmiyyət tərəfindən istehlakçılar arasında davamlı olaraq maarifləndirmə işləri aparılır.
Digər xəbərlər
- “Azərişıq” ASC cənub rayonlarında baş vermiş qəzaları aradan qaldırmaq üçün fasiləsiz çalışır. 15 Yanvar 2024
- Kadr potensialının bilik və bacarıqlarının artırılmasında “Mühəndis hazırlığı” kursu. 04 İyun 2024
- “Azərişıq” ASC paytaxtda və ətraf kənd, qəsəbələrdə yenidənqurma işlərini davam etdirir 12 İyun 2024
- Müasir tələblərə cavab verən elektroenergetiklərin hazırlanması “Azərişıq” ASC-nin ümdə vəzifələrindəndir 06 Avqust 2024
- Enerji təchizatı şəbəkələrinə qoşulma ilə bağlı yeni qaydalar 11 İyun 2024