
Elektrik enerjisi itkilərinin azaldılması enerji səmərəliliyinin artırılması və paylayıcı şəbəkələrin istismar xərclərinin minimuma endirilməsi baxımından xüsusi əhəmiyyət kəsb edir. İtkilərin azaldılması istiqamətində görüləcək tədbirlərə elektrik təchizatının etibarlılığının, keyfiyyətinin yaxşılaşdırılması üçün paylayıcı şəbəkənin real zaman rejimində monitorinqi və idarə olunmasına imkan verən qabaqcıl nəzarət-idarəetmə, eləcə də yüksək sürətli telekommunikasiya texnologiyalarını aid etmək olar.
Həmçinin, Rəqəmsal şəbəkə texnologiyaları paylayıcı şəbəkələrin optimallaşdırılması işlərini növbəti yüksək mərhələyə keçirmək üçün yeni imkanlar yaradır. İtkilərin azaldılması istiqamətində mühüm addımlardan biri də smart sayğacların quraşdırılması prosesinin sürətləndirilməsidir. Belə ki, müasir sayğacların tətbiqi zamanı sayğac oxuma xətaları azalır, eyni zamanda qanunsuz qoşulmaların və kənar müdaxilələrin aşkarlanması xeyli asanlaşır. Bu da öz növbəsində istehlak olunan elektrik enerjisinin həcminin daha dəqiq ölçülməsinə imkan yaradır.
Növbəti illər ərzində də istismar müddətini bitirmiş elektrik sayğaclarının yeni sayğaclarla əvəz olunması, həmçinin yeni quraşdırılan sayğaclarda smart sayğacların faiz nisbətinin artırılması planlaşdırılır.
Gələcək dövrlərdə də enerji itkilərinin azaldılması, eləcə də müasir texnologiyaların və innovativ metodların tətbiqinin təşviqi istiqamətində Cəmiyyət tərəfindən işlər davam etdiriləcəkdir.
Digər xəbərlər
- Xətai rayonunda təftiş-profilaktika tədbirləri ilə əlaqədar elektrik enerjisinin verilişində fasilə yaranacaq 07 Fevral 2025
- “Azərişıq” ASC-nin sədri Vüqar Əhmədov Qubada vətəndaşları qəbul edib 28 Fevral 2025
- “Azərişıq” ASC-nin sədri Vüqar Əhmədov Naftalanda vətəndaşları qəbul edib 01 May 2025
- “Azərişıq” ASC ölkə ərazisində güclü külək və yağışın yaratdığı qəzaları aradan qaldırmaq üçün fasiləsiz çalışır 16 Aprel 2025
- Cənub Regional Enerji Təchizatı və Satışı İdarəsinə (RETSİ) daxil olan bir sıra ərazilərdə elektrik enerjisinin verilişi müvəqqəti dayandırılacaq 14 Yanvar 2025