![“Azərişıq” ASC cənub bölgəsində yenidənqurma işlərini davam etdirir](/app/img/custom_news.png)
"Azərişıq" ASC cari ilin tədbirlər planına uyğun olaraq, Cənub Regional Enerji Təchizatı və Satışı İfarəsinin (RETSİ) inzibati rayonlarında - Biləsuvar, Cəlilabad, Masallı, Lənkəran, Lerik, Yardımlı və Astarada yenidənqurma işlərini davam etdirir. Yenidənqurma işləri Azərbaycan Respublikası Prezidentinin müvafiq Sərəncamına uyğun olaraq həyata keçirilir.
Bu barədə ASC-nin mətbuat xidmətinin rəhbəri Tanrıverdi Mustafayev Astarada jurnalistlərə müsahibəsində deyib.
Azərbaycan Respublikası Prezidentinin 2019-cu il 12 aprel tarixli Sərəncamı ilə Astara rayonunun 3 yaşayış məntəqəsində - Sekaşan, Diqo və Dolu kəndlərində elektrik enerjisi təchizatının keyfiyyətinin yüksəldilməsi və dayanıqlılığını artırmaq məqsədilə 1,5 milyon manat vəsaitin ayrıldığını vurğulayan T.Mustafayev deyib: “Sərəncam qüvvəyə mindiyi gündən etibarən bu kəndlərin elektrik enerjisi təsərrüfatının yenidənqurulması işlərinə başlanılıb. Həmin kəndlərə "Azərişıq" tərəfdən 15 ədəd komplekt transformator məntəqəsi (KTM), 12,5 kilometr uzunluğunda 0,4 kilovoltluq hava verilişi elektrik xətləri, 18 kilometrlik 0,4 kilovoltluq özünüdaşıyan izolyasiyalı kabel xətlərinin (ÖİN -SİP kabellər) çəkilməsi nəzərdə tutulub”.
"Azərişıq" rəsmisi qeyd edib ki, bundan əlavə, “Cənub” RETSİ-nin ərazisində yerləşən Biləsuvar rayonunun İsmətli, Cəlilabad rayonunun Maşlık və Ocaqlı, Lənkəranın İstisu və Girdəni, Masallının Ərkivan və Ocaqlı, Lerikin Çayrud kəndlərində yenidənqurma işləri davam edir.
Digər xəbərlər
- “Azərişıq” ASC Kəlbəcər və Laçında yenidənqurma işlərini davam etdirir. 10 Yanvar 2024
- Elektrik enerjisi itkilərin azaldılması məqsədi ilə Cəmiyyətdə görülən işlər 12 İyun 2024
- “Azərişıq” ASC-nin sədri Vüqar Əhmədov Qazaxda vətəndaşları qəbul edib. 29 Aprel 2024
- Prezident İlham Əliyev “Azərişıq” ASC-nin “Hacıalılı” elektrik yarımstansiyasının və Regional Təlim Mərkəzinin açılışında iştirak edib. 09 Aprel 2024
- “Azərişıq” ASC cənub rayonlarında yenidənqurma işlərini davam etdirir. 29 May 2024