![“Azərbaycan elektroenergetikası” filmi və kitabının təqdimatı olub](/app/img/custom_news.png)
Elektrik enerjisinin istehsalı, ötürülməsi və iradəedilməsini təmin edən “Azərenerji” ASC, elektrik enerjisinin paylanmasını həyata keçirən “Azərişıq” ASC ilə birgə 20 oktyabr Energetiklər günü münasibətilə “Azərbaycan elektroenergetikası” adlı film hazırlayıb və eyni adlı kitab nəşr edib. Qeyd edək ki, bu il Azərbaycan elektroenergetikasının sistemləşməsinin 120, paylayıcı elektrik şəbəkəsinin formalaşmasının 90 ili tamam olur.
ASC-dən Trend-ə verilən məlumata görə, hər iki qurumun birgə hazırladığı filmdə, o cümldən kitabda Azərbaycan elektrik enerji sisteminin, o cümlədən paylayıcı elektrik şəbəkəsinin tarixindən bəhs edilib. Daha dəqiqi 19-cu əsrdə çar Rusiyası dövründən başlayaraq, Cümhuriyyət dövründə, sovetlər zamanında və müstəqillik illərində elektroenergetika sahəsinin tarixi xronologiyası geniş əks olunub və son illərdə energetika sahəsində həyata keçirilən islahat, inkişaf, tikinti və yenidənqurma işləri pilləli şəkildə təqdim edilib. Həm film, həm də kitabın təqdimatı “Şimal” Elektrik Stansiyasının konfrans zalında olub.
Digər xəbərlər
- Elektrik enerjisinin istifadəsi ilə bağlı maarifləndirmə tədbirləri 14 İyun 2024
- “Azərişıq” ASC cənub rayonlarında baş vermiş qəzaları aradan qaldırmaq üçün fasiləsiz çalışır. 15 Yanvar 2024
- “Azərişıq” ASC Bərdədə yenidənqurma işlərini davam etdirir. 05 Aprel 2024
- Müasir texnologiyaların tətbiqi elrktrik enerjisi üzrə debitor borcları azaltmağa imkan yaradır. 05 İyun 2024
- “Azərişıq” ASC-nin sədri Vüqar Əhmədov Qazaxda vətəndaşları qəbul edib. 29 Aprel 2024