!["Azərişıq” ASC-nin mətbuat xidmətinin məlumatı](/app/img/custom_news.png)
Güclü külək ağacları və binanın damını elektrik xətlərinin üzərinə aşırıb.
Ötən gecədən müşahidə edilən güclü külək paytaxt Bakıda və bəzi regionlarda elektrik enerji təsərüffatına ciddi ziyan vurub və nəticədə bəzi ərazilərdə elektrik enerjisinin verilişində qısa fasilələr yaranıb. “Azərişıq” ASC gücləndirilmiş iş rejiminə keçib.
2-ci Zabrat qəsəbəsində Maştağa yoluna çıxan xəttin üzərinə ağac aşaraq 0,4 kV-luq ÖİN kabel xətlərini zədələmişdir. Ən çox ziyan Şimal RETSİ-nin ərazisində qeydə alınıb. Külək Quba, Qusar və Xaçmaz rayonlarında elektrik xətlərinə ciddi ziyan vurub. Bir neçə ərazidə ağaclar elektrik xətlərinin üzərinə aşıb. Quba şəhərində külək 5 mərtəbəli binanın damını elektrik xəttinin üzərinə aşırıb. Qəza baş verən ərazilərə əlavə mal-materal göndərilib və texnika cəlb olunub, xətlərdə bərpa işləri görülüb. Operativ tədbirlər nəticəsində abonentlər qısa zaman ərzində fasiləsiz elektrik enerjisi ilə təmin olunublar. Abonentlərimizdən xahiş edirik ki, baş verən qəza və açılmalarla bağlı dərhal “Azərişıq” ASC-nin "199" saylı Çağrı Mərkəzinə məlumat versinlər.
Digər xəbərlər
- “Azərişıq” ASC öz fəaliyyətində elektron xidmətlərin sayını artırır 17 İyul 2024
- “Azərişıq” ASC elektrik enerjisi itkilərinin azaldılması istiqamətində işlərini davam etdirir. 25 Yanvar 2024
- “Azərişıq” ASC ilk dəfə işğaldan azad olunan ərazilərdə şagirdlərlə maarifləndirici tədbir keçirib. 13 İyun 2024
- Kadr potensialının bilik və bacarıq səviyyələrinin artırılması 07 İyun 2024
- “Azərişıq” ASC-nin gənc mütəxəssisləri beynəlxalq yarışda mükafat qazanıb. 02 İyul 2024