Laboratoriya Mərkəzi "Azərişıq" ASC-nin tərkibində yaradılmış struktur bölməsidir. Laboratoriyamız ölkə ərazisində yerləşən yarımstansiyalarda, transformator məntəqələrində iri ticarət mərkəzlərində, zavodlarda, fabriklərdə, ofis, ev, istehsalat sahələrində və digər obyektlərdə elektrik avadanlıqlarının sınaq işlərini həyata keçirir. Səyyar sınaq laboratoriyaları və dünyanın ən müasir avadanlıqları ilə təchiz olunan Laboratoriyamız 0,4 kV-dan 110 kV-a qədər elektrik avadanlıqlarının diaqnostikası, test-sınaq işlərini aparmaqla istehlakçıların ehtiyaclarını operativ şəkildə yerinə yetirir. Yüksək gərginlik sınaqları üzrə yerli və beynəlxalq sertifikatlara malik mütəxəssislərimizin təcrübələri sayəsində Azərbaycanın bütün regionlarında göstərilən üstün xidmətlərimizlə bu sektorda bir addım öndəyik.


110/35/10/6/0.4 kV-luq kabel xətlərinin sınağı;( VLF test, DC hipot test)
110/35/10/6/0.4 kV-luq kabel xətlərinin müasir üsullarla zədə yerinin təyini; ( TDR, SİM, DECAY, İCE)
Kabel xətlərinin trasslarının təyini
110/35/10/6 kV-luq kabel xətlərində diaqnostik ölçmələrin aparılması; (Tan Delta, Partial Discharge)
110/35/10/6 kV-luq kabel xətlərində metal ekranın zədə yerinin təyini;
110/35/10/6/0,4 kV-luq Güc transformatorlarının sınağı;
110 kV-a qədər Gərginlik transformatorlarının sınağı;
110 kV-a qədər Cərəyan transformatorlarının sınağı;
110 kV-a qədər Yağ, Eleqaz, Vakuum açarlarının sınağı;
Elektrik avadanlıqlarında istifadə olunan transformator yağının sınağı;
Torpaqlama konturuna nəzərən elektrik avadanlıqlarının torpaqlama müqavimətinin ölçülməsi;
110/35/10/6/0.4 kV-luq ayırıcıların, qısaqapayıcıların, boşaldıcıların, ifrat gərginlik məhdudlaşdırıcılarının sınağı;
110/35/10/6/0.4 kV-luq mühafizə vasitələrinin sınağı;
Torpağın xüsusi müqavimətinin ölçülməsi;
Dayaq,asma və keçid izolyatorlarınsınağı;
İldırım ötürücülərin sınağı;
Mühərriklərin sınağı;
Generatorların sınağı.