![Müştəri məmnuniyyəti üçün xidmətlər təkmilləşdirilir](/uploads/2024/07/16/news/1273/large/1273-0962447.png)
Səhmdar Cəmiyyət istehlakçıları dayanıqlı, keyfiyyətli və fasiləsiz elektrik enerjisi ilə təmin olunması istiqamətində görülən tədbir və yeniliklərlə bağlı media və sosial şəbəkələr vasitəsilə vətəndaşları məlumatlandırır, istehlakçıların bu sahədə olan müraciətlərinə diqqətlə yanaşır, onların tez bir zamanda həlli və vətəndaş məmnunluğunun təmin edilməsi istiqamətində işlər aparır.
Bu məqsədlə, Səhmdar Cəmiyyətin “Qəza və abonent sorğularının idarə olunması Mərkəzi”ndə (199 Çağrı Mərkəzi) vətəndaş müraciətlərinin operativ həll olunması ardıcıllığının təmin olunması məqsədi ilə “ticketing” proqram təminatı mühüm əhəmiyyət kəsb edir. Bu da vətəndaş müraciətlərinin səmərəli şəkildə cavablandırılmasına kömək edir.
Müraciətlər Çağrı Mərkəzi, sosial şəbəkə, “whatsapp” vasitəsilə və ya elektron müraciət formasında daxil olur, qeydiyyata alınır, araşdırılır və nəticəsi barədə vətəndaşa məlumat verilir. Abonent məmnuniyyəti Səhmdar Cəmiyyət üçün vacib əhəmiyyət kəsb edir.
Daxil olan zənglərə Çağrı Mərkəzinin operatorları tərəfindən verilən cavablar müvafiq meyarlar üzrə qiymətləndirilir, həmçinin, görülən işlərin hesabatı aparılır.
Əlavə olaraq, müraciətlərin operativ həlli ilə bağlı, “199 Çağrı Mərkəzi”nə zəng zamanı ayrıca olaraq, “Audio təklif və şikayət” düyməsidə fəaliyyət göstərir. Bu düymə vasitəsilə abonentlər artıq öz sorğularını səsli şəkildə də göndərə bilirlər.
Digər xəbərlər
- “Azərişıq” ASC Hadrutda maarifləndirici tədbir keçirib 17 İyul 2024
- Sahibkarlıq subyektlərinin ETŞ –yə qoşulması proseduru sadələşdirilir. 14 Mart 2024
- Cəmiyyətin prioritet istiqamətləri 01 Fevral 2024
- “Azərişıq” ASC-nin komandası beynəlxalq yarışda birinci olub. 08 İyul 2024
- Elektrik enerjisinin təchizatı ilə bağlı müraciətlərin qəbulu, onlara baxılması və bu sahədə istehlakçıların hüquqlarının qorunmasına dair daxili qaydalar hazırlanaraq “Azərişıq” ASC-nin rəsmi səhifəsində yerləşdirilmişdir. 20 Fevral 2024