![“Azərişıq” ASC-nin elektrik təchizatı şəbəkəsinə qoşulma xidmətinin elektronlaşdırılması istiqamətində gördüyü işlər davam etdirilir](/uploads/2024/08/02/news/1282/large/1282-025745.png)
Səhmdar Cəmiyyətdə göstərilən xidmətlərin istehlakçlara əlçatan olması və operativliyinin artırılması istiqamətində ardıcıl tədbirlər həyata keçirilir. Bu xidmətlərdən biri də abonentlərin elektrik təchizatı şəbəkəsinə qoşulmasının (ETŞ) təmin edilməsidir. Bu baxımdan Səhmdar Cəmiyyətin www.azerishiq.az internet səhifəsində “Elektrik şəbəkəsinə qoşulma” bölməsi ilə yanaşı “Elektron işıq portalı” bölməsi də yaradılmışdır. Həmin bölmələrdə, ETŞ-yə qoşulma üçün müraciət etmə qaydaları, müraciətlərin icra mexanizmləri (daxili qaydalar), o cümlədən tələb olunan sənədlərin siyahısı barədə məlumatlar öz əksini tapır.
Səhmdar Cəmiyyət tərəfindən göstərilən xidmətlərin mərhələli şəkildə Elektron Hökümət Portalına inteqrasiyası davam etdirilir, elektron platforma üzərindən “online” qəbul və nəzarət sistemi tətbiq edilir. Belə ki, istehlakçılar “e-gov.az” və ya “e-service.azerishiq.az” saytından onlayn qaydada müraciət etməklə bir çox elektron xidmətlərindən yararlana bilərlər.
Elektrik təchizatı şəbəkəsinə qoşulmanın istehlakçılar üçün daha rahat və əlçatan olması üçün sahibkarlıq subyektlərinin ETŞ –yə elektron şəkildə qoşulması prosedurları üzrə video təlimat hazırlanmış və 2024-cü ilin yanvar ayı ərzində "Azərişıq ASC-nin rəsmi səhifəsinə yüklənmiş və sosial şəbəkələrdə olan səhifələrində yayımlanmışdır.
Həmçinin, cari ilin yanvar ayı ərzində ETŞ-yə qoşulma sahəsində aparılmış islahatlar və həyata keçirilən yeniliklər barədə KOB inkişaf Agentliyinin və sahibkarların iştirakı ilə Lənkəran və Sumqayıt şəhərlərində görüşlər keçirilmiş, sahibkarların sualları cavablandırılmışdır. Görüş kütləvi informasiya vasitələrində (KİV) yayımlanmışdır.
Sahibkarlıq subyektlərinin elektron poçt üzrə məlumat bazası üzərindən ETŞ-yə qoşulma ilə bağlı məlumatlar, yeniliklər və digər aidiyyəti mövzular sahibkarların elektron poçt ünvanlarına göndərilmişdir.
Sahibkarlıq subyektlərinin elektron və qeyri-elektron olaraq ETŞ-yə qoşulma statistikası azerishiq.az rəsmi internet saytında yerləşdirilmişdir.
Digər xəbərlər
- Sahibkarların elektrik təchizatı şəbəkəsinə elektron şəkildə daha rahat qoşulması üçün görüşlər keçirilir. 04 İyun 2024
- Yeni nəsil sayğacların quraşdırılması enerji səmərəliliyini artıracaq, debitor borcların azaldılmasına şərait yaradacaqdır. 09 İyun 2024
- Müştəri məmnuniyyəti üçün xidmətlər təkmilləşdirilir. 28 Mart 2024
- “Azərişıq” ASC-nin gənc mütəxəssisləri beynəlxalq yarışda mükafat qazanıb. 02 İyul 2024
- “Azərişıq” ASC Lənkəranda yenidənqurma işlərini davam etdirir. 11 Mart 2024