“Kiçik və orta bizneslərin inkişafında Elektron Xidmətlərin rolu mövzusunda “Azərişıq” ASC və Deloitte Azərbaycan şirkəti birgə vebinar təşkil edib.
Deloitte Azərbaycan şirkətinin Risk məsləhətləri üzrə direktoru Tural Hacıyev və “Azərişıq” ASC-nin “ASAN Xidmət”lə İş və Elektron İdarəetmə Departamentinin əməkdaşları elektron xidmətlərin kiçik və orta biznesin inkişafında olan rolu və dünya təcrübəsi haqqında danışıblar.
Müzakirələr zamanı bildirilib ki, Doing Business göstəricilərinə görə xarici investisiyalar ölkələr arasında yeni texnoloqiyaların ötürülməsinə imkan yaradır və KOBİ-lərin inkişafında mühüm rol oynayır.
Vebinar zamanı “Doing Business” Hesabatının “Elektrikə qoşulma” indikatoru üzrə enerji təchizatı şəbəkəsinə qoşulma prosedurunun Azərbaycanda iki mərhələdən ibarət olması barədə geniş məlumat verilib və həmçinin sahibkarlıq obyektlərinin enerji təchizatı şəbəkəsinə qoşulması ilə bağlı yaradılan Elektron Müraciətlərin İdarə Olunması Sisteminin əyani təqdimatı həyata keçirilib. Elektron sistemin yeni imkanları ilə bağlı həyata keçirilən inteqrasiyalarla bağlı ətraflı məlumat verilib.
Sonda isə sahibkarlar tərəfindən maraq doğuran suallar müzakirə edilərək cavablandırılıb.
Digər xəbərlər
- “Azərişıq” ASC-nin elektrik təchizatı şəbəkəsinə qoşulma xidmətinin elektronlaşdırılması istiqamətində gördüyü işlər davam etdirilir. 31 Yanvar 2024
- Cəmiyyətin prioritet istiqamətləri 01 Fevral 2024
- “Azərişıq” ASC-nin sədri Vüqar Əhmədov Saatlıda vətəndaşları qəbul edib. 30 Yanvar 2024
- “Azərişıq” ASC-nin sədri Vüqar Əhmədov Kürdəmirdə vətəndaşları qəbul edib. 15 Mart 2024
- Elektrik enerjisinin təchizatı ilə bağlı müraciətlərin qəbulu, onlara baxılması və bu sahədə istehlakçıların hüquqlarının qorunmasına dair daxili qaydalar hazırlanaraq “Azərişıq” ASC-nin rəsmi səhifəsində yerləşdirilmişdir. 20 Fevral 2024