"Azərişıq" ASC-nin Mülki Müdafiə Qərargahı 1 iyun - Uşaqların Beynəlxalq Müdafiəsi Günü ilə əlaqədar Fövqəladə hadisə zamanı davranış qaydaları və ilkin tibbi yardım mövzusunda Qəbələ rayonunda yerləşən “Hacıalılı” elektrik yarımstansiyasının ərazisində fəaliyyət göstərən Regional Təlim Mərkəzində maarifləndirici tədbir keçirib.
20-dən çox məktəblinin iştirak etdiyi tədbirdə əvvəlvcə mülki müdafiə sahəsində maarifləndirici təlim təşkil olunub. Məktəblilər "Zəlzələ və yanğınlar zamanı davranış qaydaları və binadan təxliyə", "Təxirəsalınmaz ilk tibbi yardım" mövzularında maarifləndirilib, yanğınsöndürmə balonlarından, əleyhqazlardan və əl altında olan əşyalardan istifadə, yaralılara süni nəfəs vermək, yaraların sarınması və yaralıların təhlükəsiz əraziyə təxliyə qaydaları öyrədilib.
Təlimdə həmçinin, mülki müdafiə stendi və xilasetmə vəsaitləri nümayiş etdirilib. Şagirdlər fərdi mühafizə vasitələri ilə tanış olub. Həmçinin, iştirakçılara mülki müdafiə sahəsində hazırlanan tədris vəsaitləri və maarifləndirici bukletlər təqdim edilib.
Tədbirin ikinci hissəsində müasir 35/0.4 kV-luq şəbəkələrin Təlim-Məşq Poliqonunda şərti təlim keçirilib. İştirakçılar 35 kV-luq KTM yaxınlığında şərti qəzanın qarşısını almağa çalışıblar. Təlim zamanı məktəbliləri PUA- pilotsuz uçuş aparatı da müşayiət edib.
Sonda təlim içtirakçılarına diplomlar təqdim olunub. Tədbirin yekununda şagirdlər həmyaşıdlarına müraciət edərək onları təhlükəsizlik qaydalarına əməl etməyə çağırıblar.
Digər xəbərlər
- Sahibkarların elektrik təchizatı şəbəkəsinə elektron şəkildə daha rahat qoşulması üçün görüşlər keçirilir. 04 İyun 2024
- Elektrik enerjisinin təchizatı ilə bağlı müraciətlərin qəbulu, onlara baxılması və bu sahədə istehlakçıların hüquqlarının qorunmasına dair daxili qaydalar hazırlanaraq “Azərişıq” ASC-nin rəsmi səhifəsində yerləşdirilmişdir. 20 Fevral 2024
- “Azərişıq” ASC Ağdamda yenidənqurma işlərini davam etdirir. 20 İyun 2024
- “Azərişıq” ASC-nin sədri Vüqar Əhmədov Masallıda vətəndaşları qəbul edib. 27 Fevral 2024
- Məişət abonentlərinin hesablaşma elektrik sayğacları harada və necə quraşdırılmalıdır 11 İyun 2024