Xidmət keyfiyyətinin yüksəldilməsi, innovativ həllərin və texnoloji yeniliklərin tətbiqi istiqamətində Səhmdar Cəmiyyət tərəfindən mütəmadi tədbirlər həyata keçirilir. Belə ki, vətəndaş məmnunluğunun və informasiya əlçatanlığının artırılması məqsədilə, elektron  xəritədən istifadə  istehlakçıların enerji təchizatı şəbəkəsinə qoşulma prosedurunun asanlaşdırılması istiqamətində atılan mühüm addımdır.

“Azərişıq” ASC tərəfindən hazırlanıb tətbiq edilən elektron xəritə sisitemi kommunal xidmətlər sahəsinin perspektiv rəqəmsallaşdırması üçün böyük imkanlar yaradır. Belə ki, elektron xəritədən istifadə Səhmdar Cəmiyyətə obyektin hansı coğrafi koordinatda olduğunu müəyyən etmə və əraziyə getmədən rahat şəkildə infrastrukturu müşahidə etmək imkanı yaradır. Bu da, enerji təchizatı şəbəkəsinə qoşulmaq üçün layihələndirmə işlərinin icrasını sürətləndirir.

Həmçinin, istehlakçılara olduğu məkanı tərk etmədən enerji təchizatı  şəbəkəsinə qoşulma üçün enerji alqı-satqı müqaviləsi və texniki şərtin verilməsi barədə müraciətlərini SİMA yeni nəsil rəqəmsal imza  vasitəsilə təsdiqləmək imkanı yaradılmışdır.

Qeyd edək ki, tətbiq edilən rəqəmsal yeniliklər ilə abonentlər vaxt itkisinə yol vermədən  bu xidmətlərdən yararlana bilərlər.