İstehlakçıların keyfiyyətli və fasiləsiz elektrik enerjisi ilə təmin olunması “Azərişıq” ASC-nin hədəflərindən biridir.  Enerji təchizatı sahəsində istehlakçıların maarifləndirməsi işinin aparılması Səhmdar Cəmiyyət tərəfindən daim diqqət mərkəzində saxlanılır, vaxtaşırı olaraq  media və sosial şəbəkələrdə bu istiqamətdə təşviqat işləri aparılır.

Bu maarifləndirmə tədbirlərində abonentlərin istehlak etdikləri elektrik enerjisi haqqlarının vaxtında ödənilməsi mühim əhəmiyyət kəsb edir. İstehlak edilən elektrik enerjisi haqqının vaxtında ödənilməməsinə görə normativ hüquqi sənəndlərin tələblərinə uyğun hansı tədbirlər görüləcəyi barədə məlumatlar abonentlərin diqqətinə çatdırılır.  Eyni zamanda istifadə edilən elektrik enerjisinin dəyərinin ödənilmədiyi halda elektrik enerjisinin verilişinin dayandırılacağına dair bildiriş - xəbərdalıq təqdim olunur.

Bu tədbirin həyata keçirilməsinə  Azərbaycan Respublikasının 11 aprel 2023-cü il tarixli, 858 nömrəli  “Elektroenergetika haqqında” Qanunu  və Azərbaycan Respublikası Nazirlər Kabinetinin 2005-ci il 2 fevral tarixli 18 nömrəli “Elektrik enerjisindən istifadə Qaydaları”nın tələbləri enerji təchizatı müəssisəsinə  hüquqi əsas verir.

Bu istiqamətdə istehlakçıların maarifləndirilməsi tədbirləri mütəmadi xarakter daşıyır.