Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə oktyabrın 1-də Lənkəranda 35 kV-luq "Xanbulan", Lerikdə isə "Hamarat" hava xəttində təmir işləri aparılacaq.

Lənkəran Elektrik Şəbəkəsinin (EŞ) xidməti ərazisində yerləşən Bürcəli, Xanbulan, Kərgəlan, Qurumba, Parakənd və Şağlaküçə kəndlərinin bir hissəsində saat 10:00-dan 11:00-dək elektrik enerjisinin verilişində məhdudiyyət tətbiq olunacaq.

Lerik EŞ-yə daxil olan Bürsülüm, Conu, Çayrud, Rvarud, Siyov, Tikəband, Veri kəndlərinin bəzi ərazilərində saat 10:00-dan 12:00-dək enerjinin verilişində qısa müddətli fasilə yaranacaq.

Görüləcək işlər yekunlaşdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.