Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə paytaxtın bəzi ərazilərində elektirk şəbəkələrində təmir-təftiş işləri həyata keçiriləcək. İyunun1-də saat 10:00-dan 14:00-dək Nizami Rayon Enerji Təchizatı və Satışı İdarəsinin (RETSİ) ərazisində yerləşən Rüstəm Rüstəmov və Nəsimi küçələrinin bir hissəsində elektrik enerjisinin verilişində məhdudiyyət yaranacaq.

Həmçinin fasilə saat 11:00-dan 15:00-dək Biləcəri Enerji Təchizatı və Satışı İdarəsi (ETSİ) ərazisində Xudadat bəy Məlik-Aslanov, Teymur Yaqubov küçələrinin bir hissəsini, eləcə də 15 saylı şəhər poliklinikasının ətrafında yerləşən bəzi əraziləri də əhatə edəcək.

Transformator Məntəqələrində (TM) aparılan təmir-təftiş işləri ilə əlaqədar Nizami RETSİ ərazisində iyunun 2-də saat 10:00-dan 14:00-dək Qara Qarayev prospekti, Musa Əliyev, Nəsimi küçələrinin bir hissəsində, iyunun 3-də saat 10:00-dan 14:00-dək Elşən Süleymanov, Bəhruz Nuriyev küçələrinin bəzi yerlərində elektrik enerjisinin verilişində fasilə olacaq.

Təmir-təftiş işləri yekunlaşdıqdan sonra həmin ərazilər daha keyfiyyətli elektrik enerjisi ilə təmin olunacaq.