"Azərişıq" ASC tərəfindən vətəndaş məmnuniyyətinin artırılması və informasiya əlçatanlığının daha da genişləndirilməsi məqsədilə daim innovativ və texnoloji yeniliklər tətbiq olunur. Bu həllərə misal olaraq, "Azərişıq" ASC-yə məxsus informasiya sistemlərinin SİMA yeni nəsil  rəqəmsal imzaya inteqrasiyası həyata keçirilmişdir. Bu texnoloji yenilik enerji təchizatı şəbəkəsinə qoşulma istiqamətində mühüm əhəmiyyət kəsb edir.

Belə ki, istehlakçılar üçün artıq mövcud məkanı tərk etmədən enerji təchizatı şəbəkəsinə qoşulma müqaviləsini SİMA yeni nəsil rəqəmsal imza vasitəsilə təsdiqləmək imkanı yaranmışdır.

Növbəti mərhələdə isə enerji təhizatı şəbəkəsinə qoşulma, əhali və qeyri-əhali istehlakçılarının adının dəyişdirilməsi xidmətləri üzrə enerji alqı-satqı müqavilələrinin də SİMA yeni nəsil rəqəmsal imza ilə təsdiqlənməsi istiqamətində işlər aparılır.