Aprelin 23-də Abşeron Rayon Enerji Təchizatı və Satışı İdarəsinin (RETSİ) ərazisində 6 kV-luq elektrik xətlərində təmir-təftiş işləri aparılacaq. Bununla əlaqədar saat 10:30-dan 15:30-dək Xırdalan şəhərinin bir hissəsində elektrik enerjisinin verilişində məhdudiyyət olacaq.

Həmçinin Maştağa Enerji Təchizatı və Satışı İdarəsinə (ETSİ) daxil olan 35/6 kV-luq 492 saylı yarımstansiyada avadanlıqların əsaslı təmiri və profilaktik sınaq laboratoriya işləri həyata keçiriləcək. Beləliklə, saat 13:00-dan 16:00-dək Maştağa və Ramana qəsəbələrinin bir hissəsində, eləcə də Daş karxanası yaşayış massivində elektrik enerjisinin verilişində fasilə yaranacaq.

Təmir-təftiş işləri yekunlaşdıqdan sonra ərazilər daha keyfiyyətli elektrik enerjisi ilə təmin olunacaq.q.