
Ağıllı (smart) elektrik sayğacları elektrik enerjisi istehlakını məsafədən ölçməyə, onun göstəricilərini istehlakçıya və enerji satış şəbəkəsinə ötürməyə imkan verən avtomatlaşdırılmış cihazdır. Bu cihazların tətbiqi istehlakçılara enerji sərfiyyatına dair məlumatlarla daha da əlçatan nəzarət etməyə imkan verir. Eyni zamanda ağıllı (smart) elektrik sayğacları enerji təchizatı şəbəkəsinin daha təkmil uçot sistemi ilə təmin olunmasına çox mühüm töhvə verir. Bu sayğaclar həm bir fazalı, həm də üç fazalı olmaqla bütün növ istehlakçı qrupları tərəfindən istifadə oluna bilər.
Ağıllı elektrik sayğacların üstünlükləri aşağıdakılardır:
* Elektrik istehlakı göstəricilərinin əl ilə məlumat bazasına işlənməsinə ehtiyacın qalmaması (insane faktorunun aradan qaldırılması);
* Abonentləri məsafədən şəbəkəyə qoşmaq və ayırmaq, bir neçə tarifi dəstəkləmək, xətdə yaranan problemlərin diaqnostikası və bu barədə idarəetmə mərkəzinə bildiriş göndərmək kimi funksiyaları eyni anda yerinə yetirmək qabiliyyətinə malik olması;
* Sayğaclar vasitəsi ilə aylıq elektrik enerjisi istehlakına nəzarət nəticəsində daha qənaətlə yanaşmanın təmin edilməsi və s.
Bu sayğaclardan istifadə daha da dəqiq ölçmələrin aparılmasına və hesabatlılığ üzrə daha geniş imkanlar yaradır, elektrik enerjisi istehlakçılarına verilən enerji resursunun həcmini və keyfiyyətini ətraflı təhlil etməyə imkan verir. Bu da ölçmə prosesində elektrik enerjisi itkilərinin qarşısının alınmasında mühüm əhəmiyyət kəsb edir.
Beləliklə, ağıllı sayğacların tətbiqinin mühüm üstünlüklərindən biri də şəbəkələrdə ölçmə proseslərində elektrik enerjisi itkilərinin azaldılmasıdır.
Digər xəbərlər
- Azərbaycan Respublikasının Prezidenti İlham Əliyev fevralın 18-də “Azərişıq” Açıq Səhmdar Cəmiyyətinin (ASC) Ağdam Regional Rəqəmsal İdarəetmə Mərkəzi və Təlim-Tədris Kompleksinin açılışında iştirak edib. 18 Fevral 2025
- "Azərişıq" ASC-də sahibkarların elektrik təchizatı şəbəkəsinə qoşulmasının sadələşdirilməsinə dair maarifləndirmə işləri davam etdirilir 13 Fevral 2025
- Lənkəranda təmir işləri ilə əlaqədar elektrik enerjisinin verilişində fasilə yaranacaq 21 Yanvar 2025
- “Azərişıq" ASC Uşaqların Beynəlxalq Müdafiəsi Günü ilə əlaqədar Ağdamda tədbir keçirib 01 İyun 2025
- Müasir sayğacların tətbiqi elektrik enerjisi üzrə debitor borcların yığlmasında əhəmiyyətli rol oynayır 15 May 2025