Erməni silahlı qüvvələrinin yaşayış məntəqələrini atəşə tutması nəticəsində 300 dəfədən çox müxtəlif gərginlikli xətlər vurulub, həmçinin 250-dən çox transformator və 800-dək dayaq yararsız hala düşüb.
Yaşayış məntəqələrinin dayanıqlı və keyfiyyətli elektrik enerjisi ilə təminatı “Azərişıq” ASC əməkdaşlarının fədakar əməyi sayəsində uğurla icra olunur. Təmas xəttinə yaxın yaşayış məntəqələrində 24 saat fasiləsiz xidmət göstərən “Azərişıq” ASC əməkdaşları qısa vaxtda bu qəzaları aradan qaldırıblar.
Cəbhə xəttində yerləşən rayonlara ehtiyat transformatorlar, naqillər, dayaqlar, ehtiyat hissələri və texnika göndərilib. Bütün cəbhə boyu rayonlarda xüsusi əhəmyətli binalar əlavə olaraq generatorlarla təmin edilib. Əlavə mal-materialla təminatda heç bir problem yaşanmır.
Onu da qeyd edək ki, cəbhə xəttində yaşanan hadisələrlə əlaqədar olaraq “Azərişıq” ASC-də ilk gündən etibarən Xüsusi Qərargah yaradılıb. Təmas xətti boyunca yerləşən yaşayış məntəqələrində “Azərişıq” ASC əməkdaşları 24 saat növbətçilik əsasında gücləndirilmiş iş rejimində fəaliyyətini davam etdirir. Sərhəd rayonlarına ezam olunan “Azərişıq” ASC-nin rəhbər heyəti vəziyyətə yerindəcə nəzarət edir və mütamadi olaraq əməkdaşları təlimatlandırır.
Youtube linki: https://bit.ly/3nnHVfc
Digər xəbərlər
- Elektrik təchizatı şəbəkəsinə qoşulma üzrə mövcud imkanların ictimaiyyətə çatdırılması 08 May 2025
- Binəqədi kəndində yenidənqurma və təmir işləri ilə əlaqədar elektrik enerjisinin verilişində fasilə yaranacaq 06 May 2025
- “Azərişıq” ASC cənub rayonlarında güclü qarın yaratdığı qəzaları aradan qaldırmaq üçün fasiləsiz çalışıb 10 Fevral 2025
- Elektrik enerjisinin istehlakı ilə bağlı yaranan debitor borcların aradan qaldırılması ilə bağlı şəbəkə ilə abonent arasında hüquqi münasibətlər 14 Fevral 2025
- Elektrik enerjisinin təchizatı nəticəsində yaranan itkilər və onların azaldılması istiqamətində “Azərişıq” ASC tərəfindən görülən tədbirlər 19 Fevral 2025