“Azərişıq” ASC-nin Elektrik təchizatı şəbəkəsinə (bundan sonra “ETŞ”) qoşulma üzrə Kommunikasiya Strategiyası maraqlı tərəflərlə əlaqələrin qurulması, internet resurslarının və sosial media hesablarının idarə edilməsi, müsbət imicin formalaşdırılması, Səhmdar Cəmiyyət tərəfindən həyata keçirilən yeniliklər ilə bağlı vətəndaşların maarifləndirilməsi, vətəndaş məmnunluğunun təmin edilməsi, təbliğat işinin effektiv şəkildə aparılması və kommunikasiya fəaliyyətinin strateji planlaşdırılmasını əhatə edir.
Kommunikasiya üzrə əsas məqsədlər sahibkarlıq subyektlərinin ETŞ-yə qoşulması ilə bağlı məlumatlılıq və məmnunluq səviyyəsinin artırılması yolu ilə Azərbaycan Respublikasında biznes mühitinin təkmilləşdirilməsi və onun beynəlxalq biznes reytinqlərində mövqeyinin irəli çəkilməsidir.
Cəmiyyətin kommunikasiya fəaliyyəti üzrə spesifik məqsədləri aşağıdakılardır:
ETŞ-yə qoşulma üzrə elektron xidmətlərin sayının artırılması;
ETŞ-yə qoşulma üzrə sahibkarlıq subyektlərinin sayının əhəmiyyətli şəkildə artırılması;
ETŞ-yə qoşulma üzrə sahibkarlıq subyektlərinin maarifləndirilməsi və prosesin sadəliyi ilə bağlı onların məlumatlandırılması;
ETŞ-yə qoşulma üzrə müddətin azaldılması;
ETŞ-yə qoşulma prosesi zamanı sahibkarlarla fiziki ünsiyyətlərin minimuma endirilməsi və şəffaflığın artırılması;
Səhmdar Cəmiyyətin ümumi ictimaiyyətdə müsbət imicinin formalaşdırılması;
Aidiyyəti maraqlı tərəflərdən Səhmdar Cəmiyyətin fəaliyyəti ilə bağlı rəylərin toplanması və məmnunluq səviyyəsinin aydınlaşdırılması;
ETŞ-yə qoşulma ilə bağlı aidiyyəti maraqlı tərəflərin aydın şəkildə müəyyənləşdirilməsi və onların qruplaşdırılması.
Digər xəbərlər
- “Azərişiq” ASC –də elektrik enerjisi itkilərinin azaldılması üçün tədbirlər həyata keçirilir. 27 Mart 2024
- “Azərişıq” ASC-nin sədri Vüqar Əhmədov Xaçmazda vətəndaşları qəbul edib. 30 Avqust 2024
- “Azərişıq” ASC-nin sədri Vüqar Əhmədov Oğuzda vətəndaşları qəbul edib. 05 İyul 2024
- Debitor borcların yığılması istiqamətində maarifləndirici tədbirlər 10 İyun 2024
- “Azərişıq” ASC ilə “General Group Co.” MMC-nin birgə peşəkar inkişaf layihəsi. 23 May 2024