
2019-cu ilin 7 ayı ərzində “Azərişıq” ASC-yə “ASAN xidmət”, “ASAN Kommunal” və elektron qaydada müraciət edən sahibkarların 2800-nün obyektinə elektrik sayğacı qoyulub ki, bu da ötən ilin müvafiq dövrü ilə müqayisədə 3 dəfəyə yaxın çoxdur.
ASC-dən bildirilib ki, ötən ilin 7 ayı ərzində 949 sahibkarın obyektinə elektrik enerjisi verilib.
“Bu artımın əsas səbəbi heç şübhəsiz ki, aparılan islahatlarla bağlıdır. Belə ki, ötən il dekabrın 25-də Azərbaycan Respublikasının Prezidenti tərəfindən “Sahibkarların mövcud və ya inşa ediləcək tikinti obyektlərinin elektrik enerjisi ilə təchizatı prosedurunun sadələşdirilməsi haqqında” Fərmanın imzalanması və şəbəkəyə qoşulma müddəti 24 gündən 20 günə, prosedurlar isə 3-dən 2-yə endirilməsi, şəbəkəyə qoşulma ilə bağlı kilovata görə vahid tarifin tətbiq olunması, ən əsası isə “Azərişıq” ASC-nin mütəxəssisləri tərəfindən hazırlanan elektron müraciətlərin idarə olunması sisteminin “Elektron hökumət” portalına inteqrasiya edilməsi də sahibkarların və ya vətəndaşların onlayn qaydada müraciət etməklə bir neçə dəqiqənin içində işini yekunlaşdırmasına şərait yaradıb", - deyə qurumun mətbuat xidmətinin rəhbəri Tanrıverdi Mustafayev əlavə edib.
Digər xəbərlər
- “Azərişıq” ilk dəfə Şuşanın rəqəmsal əkizini (Digital twinning) yaradıb. 27 May 2022
- “Azərişıq” ASC Cəlilabad rayonunun 10 kəndinin elektrik şəbəkəsini yenidən qurur. 08 Avqust 2022
- “Azərşiq” ASC Azərbaycan Həmkarlar İttifaqları Konfederasiyası tərəfindən mükafata layiq görülüb. 30 Aprel 2022
- "Azərişıq" ASC-dən rəqəmsal transformasiya ilə bağlı daha bir yenilik. 27 İyul 2022
- Öz yurduna işıq çəkən "Azərişıq" əməkdaşının kövrək anları. 21 İyul 2022