Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə 25-26 may tarixlərində Nizami və Nəsimi Rayon Enerji Təchizatı və Satışı İdarələrinin (RETSİ) ərazilərində bir sıra yaşayış məntəqələrində elektrik enerjisi fasilələrlə veriləcək.

Nizami rayonunda Transformator Məntəqələrində (TM) aparılan təmir-təftiş işləri ilə əlaqədar mayın 25-də saat 10:00-dan 14:00-dək Cəmşid Naxçıvanski, mayın 26-da saat 10:00-dan 14:00-dək Mehdi Abbasov küçəsi və Qara Qarayev prospektinin bir hissəsində elektrik enerjisinin verilişində məhdudiyyət yaranacaq.

Həmçinin mayın 26-da Nəsimi rayonunda 400 kVA gücündə transformator yeni 1000 kVA gücündə transformatorla əvəz olunacaq. Güc artımı işləri ilə əlaqədar fasilə saat 10:00-dan 13:00-dək Puşkin, Dilarə Əliyeva küçələrinin bir hissəsini də əhatə edəcək.  

Təmir-təftiş və yenidənqurma işləri yekunlaşdıqdan sonra həmin ərazilər daha keyfiyyətli elektrik enerjisi ilə təmin ediləcək. #Azərişıq