Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə Qəbələ Elektrik Şəbəkəsində (EŞ) 110/35/10 kV-luq "Qəbələ" yarımstansiyasından çıxan və 35/10 kV-luq "Vəndam" yarımstansiyasını qidalandıran 35 kV-luq "Vəndam-1" və "Vəndam-2" hava xətlərində təmir-bərpa işləri aparılacaq. Bununla əlaqədar olaraq saat 13:00-dan 16:00-dək rayonun Bunud, Girvə, Həzrə, Məmmədağalı, Nohurqışlaq, Seyidqışlaq  kəndlərində, Vəndam qəsəbəsində və Rüskan yaşayış massivində elektrik enerjisinin verilişində məhdudiyyət yaranacaq. Təmir-bərpa işləri başa çatdıqdan sonra həmin ərazilər daha keyfiyyətli elektrik enerjisi ilə təmin olunacaq.