"Azərişıq" ASC-nin təşkilatçılığı ilə Ümummilli Lider Heydər Əliyevin 102-ci ildönümünə həsr olunmuş elektroenergetika sahəsində "Gənc Mütəxəssislərinin Peşə Ustalığı” yarışlarına start verilib.
Ağdam Regional Rəqəmsal İdarəetmə Mərkəzi və Təlim Tədris Kompleksində keçirilən açılış mərasimində əvvəlcə Azərbaycan Respublikasının Dövlət Himni səsləndirilib, şəhidlərimizin xatirəsi bir dəqiqəlik sükutla yad edilib. Daha sonra Ümummilli Lider Heydər Əliyevin həyatı, dərin irsi, Azərbaycanın energetika sektoruna göstərdiyi diqqət və qayğısı haqqında videoçarx təqdim olunub.
Rəsmi hissədən sonra yarışlara start verilib. İntelektual yarışda ümumilikdə 13 komanda - “Qız qalası”, “Şirvanşahlar”, “Odlar yurdu”, “Naxçıvan”, “Qarabağ”, “Aran”, “Şimal-qərb”, “Qərb”, “Mərkəzi-Aran”, “Şirvan”, “Xaçmaz”, “Sumqayıt”, “Cənub” komandaları peşə bilik və bacarıqlarını sınayıblar. İştirakçı komandalara ümumilikdə 50 sual ünvanlanıb. Cavablar təcrübəli energetiklərdən təşkil olunmuş münsiflər heyəti tərəfindən qiymətləndirilib.
İlk günün yekunlarına əsasən "Aran" komandası birinci, "Şimal-qərb" ikinci, "Odlar yurdu" komandası üçüncü yerə layiq görülüb. Qalib komandalar diplom və kubokla mükafatlandırılıb.
Digər xəbərlər
- Elektrik enerjisinin istehlakı ilə bağlı ən çox verilən suallar 04 Mart 2025
- Binə qəsəbəsində yenidənqurma işləri ilə əlaqədar elektrik enerjisinin verilişində fasilə yaranacaq 05 Mart 2025
- Yeni Ramanada təmir işləri ilə əlaqədar elektrik enerjisinin verilişində fasilə yaranacaq 23 Yanvar 2025
- Elektrik enerji təchizatı şəbəkəsinə qoşulma prosesinin sadələşdirilməsi davam etdirilir. 11 Yanvar 2025
- Buzovnada yenidənqurma işləri ilə əlaqədar elektrik enerjisinin verilişində fasilə yaranacaq 13 İyun 2025