Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə 20-22 may tarixlərində Lənkəran Elektrik Şəbəkəsinin (EŞ) ərazisində 10 kV-luq bir sıra hava xətlərində təmir işləri aparılacaq.

Bununla əlaqədar olaraq mayın 20-də saat 10:00-dan 13:00-dək Sütəmurdov, Velədi, saat 14:00-dan 16:00-dək Digah və Şiləvar kəndləri, mayın 21-də saat 10:00-dan 13:00-dək 1-ci, 2-ci mikrorayonlar, Heydər Əliyev prospekti, Zərifə Əliyeva, Koroğlu, Səttərxan, Şirəli Axundov, Həzi Aslanov küçələri və Qala xiyabanı ərazisi, mayın 22-də saat 10:00-dan 13:00-dək İstisu qəsəbəsi, Girdəni, Havzova, Şağlaser, Cil, Xarxatan kəndlərinin bir hissəsində elektrik enerjisinin verilişində məhdudiyyət yaranacaq. Təmir işləri yekunlaşdıqdan sonra həmin ərazilər daha keyfiyyətli elektrik enerjisi ilə təmin olunacaq.