Fevralın 17-də Biləcəri Enerji Təchzatı və Satışı İdarəsinin (ETSİ) ərazisində 630 kVA gücündə Komplekt Transformator Məntəqəsi (KTM) 1000 kVA gücündə KTM ilə əvəz olunacaq. Yenidənqurma və güc artımı işləri ilə əlaqədar saat 10:00-dan 15:00-dək Binəqədi yolu Azərbaycan Respublikası Baş Dövlət Yol Polisi İdarəsinin üst hissəsi, Lahıc, Qızıl qaya küçələri, Vulkan dağı ərazisində elektrik enerjisinin verilişində fasilə yaranacaq.

Həmçinin Maştağa ETSİ ərazisində 35/10/6 kV-luq “Pirşağı" yarımstansiyasından çıxan 580. 1 və 2 nömrəli hava xətlərində təmir işləri aparılacaq. Bununla əlaqədar olaraq saat 10:00-dan 14:30-dək Pirşağı bağlar massivi və Ləhic bağları adlanan ərazilərdə elektrik enerjisinin verilişində məhdudiyyət olacaq.

Təmir, yenidənqurma və güc artımı işləri tamamlandıqdan sonra həmin ərazilər daha keyfiyyətli elektrik enerjisi ilə təmin olunacaq.