Müasir texnologiyaların paylayıcı şəbəkəyə tətbiqi debitor borcların azaldılması, enerji səmərəliliyinin artırılması və paylayıcı şəbəkələrin istismar xərclərinin minimuma endirilməsi baxımından xüsusi əhəmiyyət kəsb edir. Debitor borcların azaldılması istiqamətində mühüm bir addım yeni nəsil ağıllı sayğacların quraşdırılması işinin daha da geniş tətbiqidir. Belə ki, bu sayğacların tətbiqi zamanı sayğac oxumada maksimal dəqiqlik təmin olunmaqla, qanunsuz qoşulmalar və kənar müdaxilə halları minimuma endirilir. Həmçinin, istehlakçı karta yüklədiyi vəsait miqdarında elektrik enerjisi alır və əlavə debitor borc yaranmır.

Həmçinin, infrastruktur və idarəetmə sistemlərinin modernləşdirilməsi Səhmdar Cəmiyyət tərəfindən daim nəzarətdə saxlanılır. Rəqəmsal platformalar abonentlərə daha çevik xidmət göstərilməsilə yanaşı debitor borcların azalmasını da  təmin edir.

Təchizatçı Şəbəkə tərəfindən debitor borcların azaldılmasına və aradan qaldırılmasına yönələn tədbirlər sistemli xarakter daşıyır və ardıcıl həyata keçirilir.